സയ്യിദ് മുഷ്‌തക്ക് അലി ട്രോഫിയിൽ കേരളത്തിനായി മിന്നുംപ്രകടനം പുറത്തെടുത്ത് സഞ്ജു സാംസൺ. സഞ്ജു ഇപ്പോൾ നല്ല ഫോമിൽ ആണ്. T20 മാച്ചിൽ സിക്സർ പെരുമഴ തീർത്തുകൊണ്ട് ഇന്ത്യൻ ക്രിക്കറ്റ് പ്രേമികളുടെ മനസ്സിൽ ഹീറോ പരിവേഷത്തിൽ നിൽക്കുമ്പോഴും കേരളത്തിനുവേണ്ടി സഞ്ജു മികച്ച പ്രകടനം ആണ് നടത്തിക്കൊണ്ടിരിക്കുന്നത്.
സയ്യിത് മുഷ്താക്ക് അലി ടൂർണമെന്റിൽ ജേഴ്സിയിൽ സഞ്ജുവിന്റെ പേരിനു പകരം സമ്മി എന്നാണ് ആലേഖനം ചെയ്തിരിക്കുന്നത്. അച്ഛന്റെയും അമ്മയുടെയും പേരുകൾ ഉൾക്കൊള്ളിച്ചുകൊണ്ട് ആണ് സമ്മി എന്ന പേര് ഇടാൻ കാരണം എന്നാണ് ആരാധകർ വിശ്വസിക്കുന്നത്.
സിക്സർ വീരനായി ഉറത്തിക്കാട്ടപ്പെടുന്ന സഞ്ജുവിന് ഇപ്പോൾ പതിന്മടങ്ങ് ആരാധകർ വർധിച്ചിരിക്കുകയാണ്. 2024 ൽ ഇന്ത്യയ്ക്ക് വേണ്ടി ഏറ്റവും കൂടുതൽ സിക്‌സറുകൾ നേടിയ സഞ്ജു മറ്റു മുൻനിര ബട്ടർമാരെയെല്ലാം പിന്നിലാക്കിയാണ് നേട്ടം കൈവരിച്ചത്. സാക്ഷാൽ രോഹിത് ശർമ്മയേയും സൂര്യകുമാർ യാദവിനെയും എല്ലാം പിന്നിലാക്കി 31 സിക്സുകൾ ആണ് ഈ വര്ഷം സഞ്ജു ഇന്ത്യക്കായി നേടിയത്.