രശ്‌മിക മന്ദനയും വിജയ് ദേവറക്കോണ്ടയുമായുള്ള ബന്ധം ആണ് ഇപ്പോൾ സംസാരവിഷയം. ഇരുവരും പ്രണയത്തിൽ ആണ് എന്ന ഗോസിപ്പ് പകരാൻ തുടങ്ങിയിട്ട് നാളുകൾ ഏറെ ആയി. ആ ഗോസിപ്പുകൾക്ക് ആക്കം കൂട്ടിക്കൊണ്ട് ഇപ്പോൾ സോഷ്യൽ മീഡിയയിൽ ഒരു ചിത്രം വൈറൽ ആവുകയാണ്. താരങ്ങൾ അറിയാതെ ഒരു ആരാധകൻ എടുത്ത ചിത്രം ആണ് ഇപ്പോൾ സോഷ്യൽ മീഡിയയെ പിടിച്ചുകുലുക്കിക്കൊണ്ടിരിക്കുന്നത്.
കഴിഞ്ഞ ദിവസം ഇരുവരും നടത്തിയ പ്രസ്താവനകൾ വായിച്ചെടുക്കുമ്പോൾ റൂമറുകൾ വിശ്വസിക്കാതെ തരമില്ല എന്നാണ് ആരാധകർ പറയുന്നത്. താൻ ഇപ്പോൾ പ്രണയത്തിലാണെന്നും പ്രണയിക്കുന്നത് ഒരു നല്ല കാര്യം ആണെന്നും വിജയ് കെർലി ടൈൽസ് എന്ന അഭിമുഖത്തിൽ വ്യക്തമാക്കിയിരുന്നു. അതുപോലെ രശ്‌മിക മന്ദനാ ഒരു അഭിമുഖത്തിൽ പറഞ്ഞിരുന്നു തന്റെ ജീവിതത്തിൽ ഇപ്പോൾ നടക്കുന്ന എല്ലാ കാര്യത്തിനും വിജയുടെ സംഭാവനയുണ്ടെന്ന്.
ഇരുവരും കൂടി റെസ്റ്റോറന്റിൽ ഉച്ചഭക്ഷണം കഴിക്കുന്ന ചിത്രം ആണ് ഇപ്പോൾ വൈറൽ ആയിക്കൊണ്ടിരിക്കുന്നത്. രശ്മികളുടെ പിൻഭാഗം മാത്രമേ കാണുന്നുള്ളു. രണ്ടുപേരും നീല നിറത്തിലുള്ള വസ്ത്രം ധരിച്ചാണ് റെസ്റ്റോറന്റിൽ ഭക്ഷണം കഴിക്കുന്ന ചിത്രത്തിൽ ഉള്ളത്. മറ്റൊരു ചിത്രത്തിൽ ഡെസേർട് കഴിക്കുന്ന ചിത്രമാണ്.
ഈ ചിത്രത്തിന് താഴെ രസകരമായ കമന്റുകൾ കൊണ്ട് നിറയുകയാണ്. സിനിമയിലെ പരസ്യമായ രഹസ്യം എന്നും, എല്ലാവര്ക്കും എല്ലാം അറിയാം പിന്നെ എന്തിനാണീ ഒളിച്ചുകളി എന്നൊക്കെ കമന്റുകൾ വരുന്നുണ്ട്.
കഴിഞ്ഞ ഫെബ്രുവരിയിൽ ഇരുവരും വിവാഹം കഴിക്കാൻ പോകുന്നു എന്ന റിപ്പോർട്ട് വളരെ ചർച്ചയായിരുന്നു, എന്നാൽ അതെല്ലാം തള്ളിക്കളഞ്ഞിരിക്കുകയാണ് വിജയ്. ഓരോ വർഷവും എന്നെ കല്യാണം കഴിപ്പിക്കാൻ മാധ്യമങ്ങൾക്ക് പ്രത്യേക താല്പര്യം ആണ് എന്ന് അന്ന് തമാശരൂപേണ വിജയ് ദേവറക്കോണ്ട പറഞ്ഞിരുന്നു.