കേരളം കാത്തിരുന്നനിമിഷമാണ് എല്ലാം നഷ്ടപ്പെട്ട ശ്രുതിക്ക് ജോലി ലഭിക്കുന്നത്. എല്ലാവരും ആത്മാർത്ഥമായി ആഗ്രഹിച്ചിരുന്നു, പ്രാർത്ഥിച്ചിരുന്നു. കാരണം അത്രയും ഭീകരമാംവിധം വിധി അവളുടെ ജീവിതത്തിൽ നഷ്ടങ്ങൾ വരുത്തി. അദ്ഹയം എല്ലാമെല്ലാമായ സ്വന്തം വീട്ടുകാരെയും, അത് ഉരുൾപൊട്ടലിൽ ആയിരുന്നു. ശ്രുതിയെ തനിച്ചക്കി അവർ പോയി. അതിനുശേഷം തന്റെ പ്രതിശ്രുത വരൻ ജെൻസെനും പോയി. അതും ഒരു വാഹന അപകടത്തിൽ. ആ വാഹനത്തിൽ ശ്രുതിയും ഉണ്ടായിരുന്നു, നിസ്സാര പരിക്കുകളോടെ രക്ഷപ്പെട്ടു.
ഇപ്പോൾ ഇതാ സർക്കാരിന്റെ വാഗ്‌ദാനപ്രകാരം ശ്രുതി റെവെന്റ് വകുപ്പിൽ ക്ലാർക്ക് ആയി ജോലിയിൽ പ്രവേശിച്ചിരിക്കുകയാണ്. നിരവധിപേർ ആശംസകളുമായി എത്തി. ജീവിതത്തിൽ തളരരുത്, ജീവിതം തിരികെപ്പിടിക്കുക എന്നെല്ലാം പറഞ്ഞുകൊണ്ട് ആത്മവിശ്വാസം കൊടുക്കാനും നിരവധിപ്പേർ സമൂഹമാധ്യമങ്ങളിൽ എത്തി.
ഇപ്പോൾ കേരളത്തിന്റെ മുഖ്യമന്ത്രി ശ്രീ പിണറായി വിജയന്റർ ഫേസ്ബുക് പോസ്റ്റ് ശ്രദ്ധേയമാകുന്നു. അദ്ദേഹത്തിന്റെ പോസ്റ്റിന്റെ പൂർണ്ണരൂപം ഇങ്ങനെയാണ് …
പ്രതിസന്ധികൾ നേരിടുമ്പോൾ ആരും ഒറ്റപ്പെട്ടു പോകരുത് എന്ന കരുതലാണ് അതിജീവനത്തിന്റെ ഉന്നതമായ മാതൃകകൾ തീർക്കുന്നത്. മഹാമാരികളും പ്രകൃതിദുരന്തങ്ങളും നേരിട്ട കേരളം ആ ദുരിതങ്ങളെയെല്ലാം മറികടന്ന് മുന്നേറുന്നതും നമ്മുടെ ഐക്യബോധത്തിന്റെ കരുത്തിലാണ്. ദുരന്തബാധിതരെ ചേർത്ത് നിർത്തി പ്രതീക്ഷയുടെ നാളെയിലേക്ക് കൈപിടിച്ചുയർത്താൻ പ്രതിജ്ഞാബദ്ധമാണ് എൽഡിഎഫ് സർക്കാർ. സമഗ്രമായ പിന്തുണാ സംവിധാനങ്ങൾ ഇതിനായി ഒരുക്കുമെന്നത് ഈ സർക്കാർ നൽകുന്ന വെറും വാഗ്ദാനമല്ല, മറിച്ച് ആ മനുഷ്യർക്ക് നൽകുന്ന കരുത്തുറ്റ ഉറപ്പാണ്.
ചൂരല്‍മല-മുണ്ടക്കൈ ഉരുള്‍പൊട്ടല്‍ ദുരന്തത്തില്‍ ഉറ്റവരെ നഷ്ടപ്പെട്ട ശ്രുതി ഇന്ന് റവന്യൂ വകുപ്പിൽ ഉദ്യോഗസ്ഥയായി പ്രവേശിച്ചിരിക്കുന്നു. ക്ലര്‍ക്ക് തസ്തികയിൽ ചുമതലയേറ്റതോടെ ശ്രുതിക്ക് നിയമനം നല്‍കാനുള്ള സര്‍ക്കാര്‍ ഉത്തരവ് യാഥാർത്ഥ്യമായിരിക്കുകയാണ്. ചൂരല്‍മല ഉരുള്‍പൊട്ടലില്‍ അച്ഛനും അമ്മയും സഹോദരിയുമടക്കം 9 കുടുംബാംഗങ്ങളെ നഷ്ടമായ ശ്രുതിക്ക് താങ്ങും തണലുമായത് പ്രതിശ്രുത വരന്‍ ജെന്‍സനായിരുന്നു. പിന്നീട് കല്പറ്റയിലുണ്ടായ വാഹനാപകടത്തിൽ ജെന്‍സണും മരണത്തിന് കീഴടങ്ങിയതോടെ ശ്രുതിയുടെ ജീവിതം ഈ നാടിനെയാകെ ദുഃഖത്തിലാഴ്ത്തി. ശ്രുതി ഒരിടത്തും ഒറ്റപ്പെട്ടുപോകില്ലെന്ന് അന്നേ സർക്കാർ ഉറപ്പു നൽകിയതാണ്. ഇന്ന് ശ്രുതി ജോലിയിൽ പ്രവേശിച്ചതോടെ ആ ഉറപ്പ് പാലിക്കപ്പെട്ടിരിക്കുന്നു. ചേർത്തുനിർത്തലിന്റെ ഇത്തരം മാതൃകകളാണ് കൂടുതൽ കരുത്തോടെ മുന്നോട്ടുപോകാൻ നമുക്ക് പ്രേരകമാവുന്നത്. ഇവിടെയാരും ഒറ്റപ്പെട്ടുപോകില്ലെന്നത് ഈ സർക്കാരിന്റെയും നാടിന്റെയും ഉറപ്പാണ്. അത് പാലിക്കപ്പെടുക തന്നെ ചെയ്യും.