ദുൽക്കർ സൽമാൻ നായകനായി അടുത്തിടെ ഇറങ്ങിയ സിനിമയെക്കുറിച്ച് അത്യഗ്രൻ പ്രതികരണമാണ് വന്നുകൊണ്ടിരിക്കുന്നത്. തെലുങ്കിൽ റിലീസ് ആയ ചിത്രത്തിന്റെ തമിഴ്, മലയാളം മൊഴിമാറ്റ പതിപ്പുകളും ഇറങ്ങിയിരുന്നു. ഓ ടി ടി യിൽ കൂടെ റിലീസ് ആയതോടെ ചിത്രത്തിന്റെ ജനസ്വീകാര്യത വർധിച്ചിരിക്കുകയാണ്. ദുൽക്കറിന്റെ അഭിനയത്തെവാനോളം പുകഴ്ത്തുന്ന സിനിമാ നിരീക്ഷകരും ആരാധകരും. ഒരു മിഡിൽ ക്ലാസ് ഫാമിലിയുടെ കഥ അതിഗംഭീരമായി അവതരിപ്പിച്ചിരിക്കുകയാണ്.
സിനിമാമേഖലയിൽ നിന്നുള്ളവരുടെ കൂടെ പ്രശംസ പിടിച്ചുപറ്റിട്ടുണ്ട് ലക്കി ഭാസ്കർ. ഇപ്പോഴിതാ കല്യാണി പ്രിയദർശൻ ആണ് പ്രശംസകൊണ്ട് മൂടിയിരിക്കുന്നത്. ‘ലക്കി ഭാസ്കർ’ ഈവർഷം ഇറങ്ങിയവയിൽ തന്റെ ഏറ്റവും പ്രിയപ്പെട്ട സിനിമയായി മാറിയിരിക്കുകയാണെന്ന് നടി കല്യാണി പ്രിയദർശൻ. നെറ്റ്ഫ്ലിക്സിൽ ആദ്യത്തെ 10 സിനിമകളിൽ ഒന്നാംസ്ഥാനം പിടിച്ച്ചിരിക്കുകയാണ് ലക്കി ഭാസ്കർ. ആരെയും പിടിച്ചിരുത്തുന്ന തിരക്കഥയാണ് എന്നും അഭിപ്രായപ്പെടുന്നു.
കല്യാണി പ്രിയദർശൻ കുറിച്ചത് ഇപ്രകാരമാണ് “എന്തുകൊണ്ടാണ് മികച്ച 10 സിനിമകളിൽ ഒന്നാംസ്ഥാനം ആയത് എന്നതിൽ എനിക്കത്ഭുതമില്ല. എന്തൊരു സിനിമയാണത്. ദുൽക്കർ നിങ്ങൾ ക്യാമെറയെ രസിച്ചു പ്രണയിച്ചു അഭിനയിച്ചു. അത് സിനിമയിൽ കാണാൻ കഴിയുന്നുണ്ട്. ക്യാമെറയ്ക്കു പിന്നിൽ നിമിഷ രവി എന്ത് മാജിക് ആണ് ചെയ്തത്. എല്ലാവരിൽ നിന്നും മികച്ച പ്രകടനങ്ങളോടെ, പിടിച്ചിരുത്തുന്ന തിരക്കഥയുമായി എത്തിയ ഈ ചിത്രം ഉറപ്പായും എന്റെ ഈ വർഷത്തെ മികച്ച ചിത്രങ്ങളിൽ ഒന്നാണ്”