ശക്തിമാൻ കഥാപാത്രം അവതരിപ്പിച്ചതിലോടെ പ്രശസ്തനായ താരമായ മുകേഷ് ഖന്ന വീണ്ടും ശക്തിമാൻ എന്ന കഥാപാത്രത്തെ സ്ക്രീനിലേക്ക് കൊണ്ടുവരാൻ തയ്യാറെടുക്കുന്നു. ഒരു ടെലിവിഷൻ ചാനലുമായി നടത്തിയ അഭിമുഖത്തിലാണ് തനിക്ക് ശക്തിമാൻ എന്ന കഥാപാത്രവുമായി ഉണ്ടായിരുന്ന അടുപ്പത്തെക്കുറിച്ചു തുറന്നു പറഞ്ഞത്.
കഥാപാത്രത്തെക്കുറിച്ചുപറയുമ്പോൾ മുകേഷ് ഖന്നയ്ക്ക് നൂറു നാവാണ്. ശക്തിമാന്റെ കോസ്റ്റമേ തനിക്ക് വളരെ പ്രിയപ്പെട്ടതാണ്. സ്വകാര്യമായും ഇമോഷണലായും ഈ കഥാപാത്രം തന്റെ മനസ്സിന്റെ ഉള്ളിൽ നിന്നും വരുന്നതാണ്. ഞാൻ അഭിനയിക്കുമ്പോൾ ക്യാമറയെ എല്ലാം മറക്കും.
ശക്തിമാൻ എന്ന കഥാപാത്രത്തെ വീണ്ടും കൊണ്ടുവരുന്നതിനെക്കുറിച്ചും താരം പറയുന്നുണ്ട്. 1997 മുതൽ 2005 വരെ ഞാൻ എന്റെ ഡ്യൂട്ടി ചെയ്തു. ഞാൻ വിചാരിക്കുന്നു 2027 ലും എന്റെ വർക്ക് പുബ്ലിക്കിന് ഇടയിൽ വരണം എന്ന്. കാരണം ഇപ്പോഴത്തെ ജനറേഷൻ വളരെ അന്ധമായി പോയിക്കൊണ്ടിരിക്കുകയാണ്.
നവംബർ 10 നു താരം ശക്തിമാൻ ന്റെ പോസ്റ്ററുകൾ സോഷ്യൽ മീഡിയയിൽ പങ്കുവെച്ചുകൊണ്ട് ശക്തിമാൻ ന്റെ രണ്ടാംവരവിനു ഒരു സിഗ്നൽ തന്നിട്ടുണ്ട്. ഒരു വീഡിയോ പുറത്തു വിട്ടതിന്റെ ഉള്ളടക്കം ഇങ്ങനെയായിരുന്നു “ശക്തിമാൻ പറന്ന് ഒരു സ്കൂളിൽ ഇറങ്ങുന്നത് കാണാം, അവിടെ അദ്ദേഹം സ്വാതന്ത്ര്യത്തെക്കുറിച്ച് പാടുന്നു, ചന്ദ്രശേഖർ ആസാദ്, ഭഗത് സിംഗ്, സുഭാഷ് ചന്ദ്ര ബോസ് തുടങ്ങിയ സ്വാതന്ത്ര്യ സമര സേനാനികളുടെ ചിത്രങ്ങൾ നോക്കി കൊണ്ടിരിക്കുകയാണ്.”
1997 ൽ ആണ് ശക്തിമാൻ ദൂരദർശനിൽ സംപ്രേക്ഷണം ആരംഭിച്ചത്. എന്നാൽ ശക്തിമാൻ ന്റെ തിരിച്ചുവരവ് ചാനൽ സംപ്രേക്ഷണമായിരിക്കുമോ, വെബ് സീരീസ് ആയിരിക്കുമോ എന്ന് വ്യക്തമല്ല.